الكرسي بيرحب بالمشرفة (asar ) ويتمنى لها جلسة مريحة وطويلة

منور بأصحابه واللي قعدوا عليه قبلي وانا تحت امركوا بس براحه عليا

بسم الله الرحمن ارحيم

هنبتدي الاسئلة
1- ايه الحاجات اللي بتحبيها
(صفات شخصية - اكلات -طباع)
2-مين اكتر اعضاء بتحبي تتعاملي معاهم في المنتدى
3-ايه اللي ناقص في المنتدى

وللحديث بقية ،،،،،،،،،،،،،،

بسم الله الرحمن الرحيم
1- اكتر حاجه بحبها بالنسبه للصفات الشخصيه هي الصدق ودي صفه لايمكن اتنازل عنها في اي شخصيه اعرفها
وبالنسبه للأكلات بحب المكرونه وخصوصا السباجتي و البانيه
وبالنسبه للطباع بحب الشخصيات اللي يكون طبعها المرح وتكون الشخصيه مرنه يعني يكون عندها ذكاء اجتماعي


2- الأعضاء كلهم بحب اتعامل معاهم بس أكتر الأعضاء ag21 و وبات مان



3- اللمنتدى ناقصه دعايه اكتر عشان الأعضاء يزيدوا وكمان محتاج التفاعل يزيد شويه من كل المشتركين فيه من الأعضاء للمديرين

السلام عليكم
منور يااثار اسئلتي بسيطة جدا
ايه الشي اللي بيريح اعصابك؟
مارايك في الشخصيات التالية
مايث
احمد
بات مان
زكير
ستورم
سارة
ولي عودة اخري باذن الله تعالي
السلام عليكم

وعليكم السلام ورحمة الله وبركاته
الشىء اللي بيريح اعصابي هو سماع القرآن بصوت مشاري راشد




2-
ميث\ شخصيه قياديه وطموحه وينفع يكون رئيس وزرة مش رئيس منتدى وبس

احمد\انسان خدوم لأبعد الحدود , بيحب عمل الخير ,ذكي , وبيحب التميز في شغله وواثق من نفسه,ومخلص

بات مان\ انسان عملي بيخطط لمستقبله من دلوقتي وشايل هم مستقبله ويعتمد عليه وانا بعتبرو اخويا الصغير

3-زكيير\ صاحب صاحبه وشخصيته قويه وفي نفس الوقت فنني ودمه خفيف واصحابو بيحبوه

4-ستورم\ بصراحه مش عرفاها اوي بس مساهماتها حلوه والصور اللي بتجيبها احلى وبجد نفسي انا وهي نبقى اصحاب

5-ساره\ بنوته شقيه دمها خفيف ومحدده هدفها وكل اللي يعرفها بيحبها وانا شخصيا بحبها جداااااااا

السلام عليكم شرفتى الكرسى
وياريت ما كنتى شرفتيه استلقى وعدك منى بقى
ما هى صفات خطيبك الثانى ؟
وما هى صفات خطيبك الاولانى وليه انتى سبتيه ؟
وليه انتى بتحبى خطيبك التانى للدرجه دى ايه الى عجبك فيه ؟
طبعا دى اسئله جميله ليكى ولكن علشان انا مش فايق ليكى كويس اشربى

السلام عليكم اختي اثار
انا فرحانة جدا انك بتحبي مشاري زي
اسئلتي بسيطة جدا
لو قولتلك هنروح رحلة برية هتاخدي مين وايه المكان اللي ممكن تاخدي الناس اللي هتختاريهم فين؟
لو اديتلك 3 هدايا هتديهم لمين من المنتدي او خارجة؟
بما انك بتحبي مشاري ايه اكتر البوم لية بتحبية واكتر سورة قران ؟
ايه اكتر مكان بتحبي تروحية ومع مين؟
ايه رايك في ملك الاحساس
معلش انا نسيت اكتبة في الشخصيات
انا اسفة لية
معلش استحميلني ولنا عودة اخري باذن الله
السلام عليكم

عايزاك بس تفتكر يا بات مان اني شئلتك سؤال واحد بس لازم استحملك بقى اعمل ايه اخويه الصغير...بص يا سيدي
مواضيع ag21لو تابعتها كويس هتلاقي نفسك في الآخر مثقف من غير ما تقصد لأن مواضيعة فعلا مليانه معلومات جديده وشيقه ومفيده جدا جدا

مواضيع اخويا الشقي بات مان مواضيع مهمه جدا وشيقه خصوصا اني بحس ان اللي كاتبها عنده 30 سنه مش 15 وكملن بحس ان مواضيعه شامله كل حاجه مش مجال معين

مراضيع ساره كمان جميله وفيها لفتات دينيه جميله وكفايه انها بنوته جميله صغنونه اللي بتكتب الحاجات الجميله دي

ميث بما انو دماغ فمواضيعوا رغم انها قليله الا انها تدل على ان اللي كاتبها عايز يوصل هدف معين وانا بصراحه بدور على مواضيعوا بالذات عشان اقرأها

زكير كمان مواضيعوا مش كتير بس اللي شفته منها عجبني عشان دمها خفيف زي اللي كاتبها

ستورم مواضيعها مميزه جدا بالصور الجميله اللي بتحطها وبحس انها بنوته فرفوشه

ملك الإحساس ميختلفش على مواضيعة اتنين هي اللي مديا للمنتدى روحه الحلوه وكل اللي في المنتدى بيستنوا مواضيعوا المطرقعه اللي بيفاجئنا بيها

سبايدر معظم مواضيعه دينيه وهو يعتبر مؤسس المكتبه الإسلاميه في النتدى

وعليكم السلام يا ملك افحساس ايه يا عم انت بادئها معايا كده ليهافتكر ان الدور هيجي عليك قريب

اولا بالنسبه لصفات لخطيبي حاليا فالحمد لله انا شايفه ان فيه كل الصفات اللي كنت بحلم بيها فارس احلامي يعني واكتر الصفات اللي شدتني ليه انو راجل قوي ويعتمد عليه ومش شايله للدنيا هم معاه واحلى صفه فيه انو مش بيكدب ابدا بالذات مش بيكدب عليا وصادق في كل كلامه وتصرفاته واهم من ده كله انو الحمد لله متدين جدا وبيتقي الله في شغله وتعاملاته ومعايا انا كمان


خطيبي الأولاني دلوقتي مش شايفه فيه اي صفه كويسه خالص واللي خلاني سيبته حاجات كتير بس اهمها اني اكتشفت انو كذاب

اللي مخليني احب خطيبي اوي كده الصفات الحلوه اللي فيه وكمان انو هو بيحبني من قبل ميتقدملي من غير ما اعرف
واقوى سبب فحبي ليه اني عارفه ان هو الهديه اللي ربنا بعتهالي وان ربنا اللي اختارو ليا والحمد لله

1... ما هو أكثر موضوع نال اعجابك فى منتدانا ؟؟ ومن هو كاتب هذا الموضوع؟؟؟

2... ما هو أجمل كتاب قراتيه بعد كتاب الله عز وجل؟؟

3... ما الذي اعجبك فى منتدى دفرنت

4... ماهى تطلعاتك لتطوير المنتدى ؟؟ وما هى أهم عيوبه؟؟ وما هى مميزاته؟؟

لو اختاروكى تبقى رئيسه الجمهوريه حتختارى مين من الاعضاء فى المنتدى للوزارات الاتيه ؟
رئيس الوزراء
وزير الداخليه
وزير الخارجيه
وزير الماليه
وزير التربيه والتعليم
وايه الوزاره الجديده الى حتدخليها فى الوزارات وايه الوزاره الى حتلغيها

بسم الله الرحمن الرحيم
بالنسبه لسؤال ساره
انا يا ستي طول عمري نفسي أعمل رحله سفاري فأكيد هختار الصحره عشان هي مكان رائع جدا وانا بحبه واكيد يعني هختار خطيبي يكون معايا واللي عايز يجي بعد كده براحته

الهديه الأولى لخطيبي والتانيه لأحمد والتالته بالنص بين ساره وبات مان عشان النجاح


اكتر نشيد لمشاري بحبه هو (اغيب)واكتر سوره بحبها بصوته هي سوره يوسف

اكتر مكان بحب اروحه هو دريم بارك مع صحباتي

بالنسبه لملك الإحساس رغم انو اكبر مني بحاجه بسيطه الا اني بحس انو اخويا الصغير زي بات مان كده ودي طبعا مش حاجه وحشه بالعكس دي ميزه كبيره فيه وانا بحب الشخصيات الكوميديه اللي زيه وبالرغم انو بيكتأب كتير وسعات بيشوف الدنيا بلون غامق حبتين الا اني متاكده انو ان شاء الله هيوصل للإستقرار النفسي قريبا على ايد منتدانا الجميل ده وبقولو اطمن يا يحيى في امل في الشفاء ان شاء الله بس قول يارب

سبحان الله انا بجب نشيد اغيب وسورة يوسف برضة

بسم الله الرحمن الرحيم
اسئلتك كترت اوي يا يحيى بس هستحمل وامري لله

اولا بالنسبه لشخصيتي من وجهة نظري انها شخصيه معتدله فيها عيوب ومميزات
بالنسبه للعيوب فانا سعات بكون عصبيه ومش بسامح بسرعه لو حد جرحني اوي
وبالنسبه للمميزات انا معطائه جدا يعني افضل ادي اكتر من اني آخد وكمان بحب اصحابي جدا طبعا مميزاتي لاتعد ولا تحصى بس كفايه كده عشان متتعقدوش

طبعا في أزمه أخلاقيه كبيره جدا وده اللي النبي صلى الله عليه وسلم تنبا بيه والأزمه دي ملموسه وبينه جدا لأي واحد والسبب الرئيسي ليها هو بعدنا عن دينا ووصايا نبينا الكريم ومحاوله التقرب بكل السبل الممكنه من العلمانيه الفاشله من وجهة نظري والحل للموضوع ده هو اللاجوع للحكم الإسلامي وعوده الخلافه الإسلاميه

ناس كتير قريبه مني وبحبهم بس اقرب انسان هو خطيبي وأكتر حد مش بقبله انتو عارفينو(خطيبي السابق)

بالنسبه للمستقبل انا متفائله ليه جدا جدا جدا وحاسه ان احلى ايامي لسه جايه والحمد لله والسبب الأول والأخير لكده اني الحمد لله واثقه في ربي جدا جدا وحاسه انو دايما بيختارلي احسن حاجه ديما

بالنسبه للسؤال الرابع

اولا حال الشباب الأن****انا شايفه ان موجود النوعين الشباب المستهتر الفاشل البعيد عن دينه وعن ربه وكل همه اللبس والاستايل والبنت اللب بتحبه او الولد اللي بيحبها و مين عاكسني النهارده ومين قالتلي بحبك وبيهتموا اوي بالمقالب اللي بيعملوها وكمان في شباب متدين ومحترم وليه هدف في الحياه ومهتم بقضيه معينه ومتبنيها وشايل هم بلده ودينه ودول شباب الخير زي شباب المنتدى بتاعنا ربنا يباركلهم

الوضع السياسي في مصر**** لا نحسد عليه من كبت للحريات لاعتقالات لأهون الأسباب لديمقراطيه مزعومه اسمنا على الورق شعب حر لاكن في الحقيقه احنا محكومين بنظام الحديد والنار حسبنا الله ونعم الوكيل

الإعلام**** مفيش اي حاجه في الإعلام بتشدني لأني مبثقش فيهم وبحس ان معظمهم كدابين وان اعلامنا اعلام موجه ومعظم صحفنا صفراء مغرضه

الحريه****مفيش حريه من غير ديمقراطيه وده شيء لا نتمتع بيه كاملا في الوقت الحالي


اليأس***8 ده شيء مرفوض لأن دينا نهانا عنه وان ديما لازم يكون عنده ديما ثقه وأمل في الله ومع ذلك في ناس كتير يائسه من الحياه لأسباب كتير جدا منها الأوضاع الإجتماعيه والإقتصاديه والسياسيه في البلد بس لو كل واحد استسلم لليأس ده يبقى مفيش معنى للحياة لأن الحياه هي الأمل والثقه فالله سبحانه وتعالى

بسم الله الرحمن الرحيم
مواضيع كتير اوي عجبتني بس اكتر موضوع هو تلات مواقف ودمعه واحده لملك الإحساس عشان اثر فيا جدا جدا وكنت هعيط بجد


أجمل كتاب عجبني طبعا بعد القرآن الكريم كان Hamlet ل shakespeare ومعظم روايات Sharles Deckens وطبعا باقي روائع Shakespear

اللي عجبني في منتدى دفرنت روح الأخوه اللي فيه وان مواضيعه شامله كل حاجه

اللي ممكن يطور المنتدى هي الدعاية يعني ممكن كل عضو يتبمى انو يجيب أعضاء جدد للمنتدى ونعلن عن منتدانا في صفح الشات وعلى فكره دي الطريقه اللي انا عرفت بيها المنتدى
بالنسبه للعيوب فأكتر حاجه هو قله الأعضاء اما المميزات فهي كتير جدا جدا واهمها زي ماقلت قبل كده روح الأخوه والمواضيع المميزه والجميله وعلى فكره المنتدى ده ليه سحر غريب مخليني بحبه جدا جدا اكتر من اي منتدى تاني

لو اختاروكى تبقى رئيسه الجمهوريه حتختارى مين من الاعضاء فى المنتدى للوزارات الاتيه ؟
رئيس الوزراء
وزير الداخليه
وزير الخارجيه
وزير الماليه
وزير التربيه والتعليم
وايه الوزاره الجديده الى حتدخليها فى الوزارات وايه الوزاره الى حتلغيها
_________________
رئيس الوزراء****ميث
وزير الداخليه****بات مان
وزير الخارجيه****زكير
وزير الماليه****ملك الإحساس
وزيرالتربيه والتعليم****ag21
هدخل وزاره الأمر بالمعروف والنهي عن المنكر وهتمسكها ساره
وهلغي وزاره القوه العامله عشان ملهاش اي لزمه

سؤال بسيط وأخير يا آثار :-
وياريت تجاوبى بصراحة .

هل إنت بعد ما تتجوزى ( إن شاء الله ) هتبطلى تدخلى على المنتدى ولا لأ؟

بسم الله الرحمن الرحيم

والله يا بات مان انت عارف ان المسؤليات بتزيد بعد الجواز وخصوصا اني انا بشتغل من دلوقتي بس اللي انا متأكده منو اني مقدرش استغنى عن المنتدى الجميل ده وعن اخواتي اللي فيه يعني ممكن دخولي يقل شويه بس مش هينقطع ان شاء الله