بالذمه دا اسمه كلام

طبعا انتم عاوزين تعرفوا ايه الموضوع اقولكم انا بقي

--

انا ملاحظ اليومين دول يا بناتيت ويا ولاليد
( جمع ولاد ) اصل انا ولد روش طحن

البنات والولاد بيتكلموا بطريقه بجد تنقط انا يدوب بفهم الكلام ده

يبقوا يروشوا كلامهم كده ومش بنفهم عليهم

تلاقي البنت في الشات او ماسنجر او اي حاجه
تتكلم فيه ههههه بقي تقول:

انا مش ينفع - انا مش أشرب - انا مش أكل -
انا مش أعرف - أنا مش يكتب - انا مش انا تش
انا فش - انا مش اعمل كته ابتا ابتا
...................
انا مش بتاعه الكلام ده انا كنت طول عمري جامده

--

تلاقي الحجه الرقيقه بقي تقول ايه :

( انا مش ينفع اعمل كده انت مش تزعل بقي
بيس يا مان )

وهو يرد عليها

( انا مش ازعل منك خالص ابدا يا ومان )

---

خدتوا بالكم بقي

مش ازعل مش اكتب مش انام مش اعرف مش اسمع ,,,,,, مش ممكن كده

واصلا تلاقي البنت اصلا ستايلها ميجبش كده اصلا

------

وتلاقي بقي الحروف اللي ضاربه بالهبل

طويل = تويل
كده = كته
ابدا = ابتا
خالص = خالس - ولو رقيقه اوى _ خالث
ماشي = ماسي
بجد = بكد
حلو = حووووووووووووووووو
اشرب = اشششششششششب انبوووووه

حاكه تنأت بكد يووووووووووه قصدى حاجه تنقط بجد ::
والنبى مرض معدى يا خواتى بالذمه دا اسمه كلام 5

-----------------------

وتلاقي بقي الواد من دول راح السينما

يرجع يقول لصحابه :

اووووووبس رحت حته فيلم روش طحن فيلم اخر حاجه بجد فيلم يهوس هيهئ هيهئ هيهئ هيييييييييييييييييييييييي ييييييييييييييييييييييييي يييهئ

مش عارف بيضحك علي ايه بس بيضحك وخلاص
ههههههههههههه

-----

نيجي بقي لكلام الولاد مع بعض

هاي يا مان

بيس يا مان

انت ليه عليا مبتردش

كب الزبون

فكك منه

اسكت بدل ما احط عليك
( سؤال بقي هو هيحط ايه ؟؟؟؟)
ههههههههههههه

جبت بدى وشك بالذمه دا اسمه كلام 9

( الولاد اصل بقوا يلبسوا بديهات زى البنات )
ومش عارف ليه برضووووووو الولاد لازم يسقطوا البنطلون ماحنابرضه بنعرف الموضه امال مبنعملش كده ليه
المهم
ولازم حاجات مشجرة كده تبان وقلوب وفراوله و دباديب روشييييين اوى جدا خالث يووووووووه
معلشى اقصد خالص

------

ننتقل الي ولد وبنت بيحبوا بعض
مش كل اللى بيحبو بيعملو كده
انا اقصد نوعيه معينه بالذمه دا اسمه كلام 9

يتكلموا في التليفون :

هو : الو يا حبي
هي : حبيبي
هو : ازيك النهارده
( ليه بيقول النهارده هو يعني بيكلمها في زمن الماضي)
هي : بيس وانت
هو : سهران من امبارح مش نمت علشان اكلمك مخسوس
هي : وانا كمان مش نمتش خالس مستنيه تليفونك بجد ( وتلاقيها مخموده بقالها 8 ساعات علشان تحافظ علي بشرتها)
هوه: وحشاني موت بجد
هي : وانت بجد موت اكتر حاجه
هو : امبارح شفت فيلم اوووبس يا روحي رومانسي موت كان نفسي تتفرجي معايا
هي : بجد طيب احكيلي
هو : البتل ( البطل يعني )
تول الفيلم بيبوس البتله ( البطله ) ---
( عاوز يجرجرها بقي في الكلام )
هي : بكد
هو : بكد
هي : بكد بكد
هو: اه بكد
عليا الطلاق بجد بالذمه دا اسمه كلام 5

بتاعتى انا دى
وباقي المكالمة بقي بجد وهو يقولها بجد
طالما مش قد الكلام في الحاجات دى بيتكلموا لييييييييييييييييه ::

----------------------------------
تيجى بقى لوواحد ياسيدى روش
بيتكلم مع افندى عادى مش روش
الروش : ازيك يامان
اللفندى: اهلا ياعم
الروش: عامل ايه يامان
اللفندى: عامل جمعيه ان شاء الله هقبضها الشهر الجاى
وانت عامل ايه
الروش:انا عامل حلو خالث يامان
انت كنت فين امبارح يامان
امووت واعرف هو ايه اللى عملو حلو
اللفندى: انا كنت فى الشغل ياعن
طالع ميتين اهلى شغل طحن شيل وحط
وانت كنت فين
الروش:انا كنت فى السينما وخرجت
روحت الملاهى بس ايه
كانت رحله جامده طحن بالذمه دا اسمه كلام 5

ههههههههههههههه
طيب ماتخليك زى اللفندى الاولانى
ايه لزمتها العووجه دى

في المنتديات العربيه بقي ملاحظ حاجه تضايق جدا:

واحد حاطط موضوع /

(( صور للفاجرة هيفاء وهبي هههههه))

طيب هو حاططها ليه

--

و (( فيلم لبنت ماتت امام البال توك نرجو عدم الدخول ))

حاطط الموضوع ليييييييييييييييييييييييي ييييييييييييييييييييييييي ه طالما مش عاوز حد يدخل

--

والردود بقي

( مشكور بالحييييييييييييييييييييي يييييييييل )
( والله ما قصررررت )
( مشكور علي صور المفضوحه هيفاء)
هههههههههه
(الله يعطيك العافيه )
طيب على ايه ياعم حاطط الموضوع

---------------------

بلييييييييييييييييز ما تيجوا نتكلم عادى يعني بلاش لغة الروشنه والسهوكه اللي تغيظ دي

شكلي كده طولت عليكم اوعوا تكونوا زهقتم

ها ايه رايكم في الموتوع ده كامد اخر حاجه ثح يا روشين

و الله موضوع ختير انت اللي كاتبه بكد بكد؟
معاك حق والله الموضوع معدي
عموما ميرسي عالموضوع الرااااااائع ده

الموضوح جامد اخر حاجه
موضوع حلو فعلا واسلوبه مسلى
مشتكرين يا مان

جميل جدا الموضوع لانى انا فى حاجات كتيره ما سمعتهاش فى الموضوع بتاعك ده وبالذات كلمه بكد دى ولكن فى كلمه انته ما قولتهاش كلمه
واسع واسع
كلمه بيقولها واحد على طول كده هههههههههههه
وشكرا على موضوعك ده

موضوع جامد بجد وواقعي جدا وعجبني آخر حاجه بس هو في ملحوظه صغيره
هي ان الجزء بتاع انا مش جيت مش تزعل مش اي حاجه بعدها في ناس كتير دي طريقه الكلام في منطقتهم
وهما الشراقوه او سكان الشرقيه ديما بيتكلموا كده كلهم بس ده ميمنعش ان كتير بيستخدموه دلع
بس الموضوع ده عجبني جدا جدا جدا شكرا ليك يا مان

بجد
موضوع معاصر وبيحكى حكاية شباب وبنات اليومين دول وبنى و بينكم ( ربنا يستر علينا احنا كمان )
بيس يا مان peace man
شكراً جزيلاً Danke shon

الصراحة اللي يعمل الكلام دة ويقول الهبل دة
يبقى اهبل وعبيط وتافه سواء ان كان ولد او بنت
احنا اساسا مبقيش فينا حاجة اسمها احترام ولا اسلوب كويس في الكلام
والموضة ان الواحد يقول الهبل والكلام الفاضي دة
ربنا يرحمنا من الهبل والعبط
امتى الشباب دة يفوق من الهبل دة دة بالذمة شباب يقدر يتحمل مسئولية ويبقى عنده بيت واولاد

ولسة ياما هنشوف