ازيكوا يابنات النهاردة أنا جايبالكوا طريقة جديدة لعمل المكرونة الاسباكتى
يالا نبدأ
المقادير:
أى كمية تحبوها من الزيتون الأخضر والأسود معا بس راعوا انها تكون مناسبة لكمية المكرونة اللى هاتعملوها
ملعقة كبيرة من الزبدة
نصف بطرمان صلصة أو علبة صلصة(الكرتون)
واحد ثمرة طماطم
واحد ثمرة فلفل أحمر
واتنين أوتلاتة فلفل حراق اذا كنتوا بتحبوا الأكل الحامى
كل اللى فات دة يكون مقطع مكعبات
كيس أ وكيسين مكرونة حسب الحاجة
الطريقة
توضع الزبدة أولا لكي تذوب
ثم نضع الفلفل والزيتون والطماطم مع الزبدة ونقلب(نشوحهم يعنى)
ونضيف ثلاثة أكواب ماء متوسطة أو كوبين كبيرين ونتركهم للغليان الى أن تشعرى أن قوام الصلصة بدأ يتماسك وتتحول الصلصة الى قوام غليظ نسبيا
وأخيرا نضيف المكرونة بعد سلقها ونتركها على النار
ملحوظة
لآتتركة المكرونة على النار الى أن تتشرب الصلصة كلها بل اتركى قليلا منها فى الوعاء
أى أنك تتركيها على النار من 10 الى 15 دقيقة
ثم ضعيها فى الأطباق
وبالهناء والشفاء