مشكلاتى كثيره اوى ومحتار اعمل ايه فيها احتاج رايكم فى حلها معى

حكايتى تبدا بانى لما اتخرجت من المعهد الى انا كنت فيه ورحت التنسيق كانت امنيه حياتى انى ادخل هندسه ولكن دى كانت امنيه صعبه اوى ولكن تمنيت فى نفس الوقت انى اروح كليه فى القاهره وفلا اتحققت امنيتى دى ولكن امنيتى دى ضيعتمنى حاجات كتيره اوى منى ومن الحاجات دى هى فقدانى لاصحابى الى فى المعهد والى فى البلد وخصوصا انى من الصعب عندى انى اكون اصحاب فى مكان جديد معرفش فيه اى حد وحتى الى اعرفهم كلامى معاهم قليل وياعنى زى ما تقول كده انى انا تركت حياتى الى انا بعشها وده صعب اوى بالنسبه ليا صحيح انى انا كان عندى امل انى اكون اصحاب فى القاهره وانا كونت اصحاب ولكن مش حيجو حاجه فى اصحابى بتاعين اسوان لانى انا بحبهم اوى فوق ما تتصور وانا فى طباعى انى من الصعب التعرف على الناس وانى اتصاحب على حد ولكن اذا اتصاحبت على حد بتصاحب بجد وبحبه اكتر من نفسى

انا عارف انى انا طولت عليكم ولكن انا حبيت افضفض ليكم واول مشكله هى

اشتياقى لاصحابى ده شى بيخلينى فى حاله نفسيه صعبه لانى زى ما قولت من الصعب انى اتصاحب على حد لانى انا خجول ويمكن انى اكون فى معهدى او فى كليتى الناس كلها بتعرفنى زى ما تقول كده بكون مميز عن بافى زميلى فى كل شى مع العلم مش لازم المميزات دى تكون حلوه ولكن اغلبها بالنسبه ليا هى عيوب نفسى اتخلص منها المهم هو انى لما بفكر فى اصحابى الى فى المعهد والبلد نفسيتى بتتعب اوى وببقى عصبى جدا ومش بحب اكلم حد وبنعزل عن الناس وبتمنى انى كنت ما عرفتهمش لانهم هما الوحيدين الى شاغلين بالى انا بقى عايز اعرف منكم ازاى اتخلص من حالتى دى وده برده بيخلينى اعامل اصحابى الى فى الكليه بطريقه وحشه فى بعض الاحيان لما بكون فى شوق لانى اشوف اصحابى الى فى اسوان وكمان حتى فى البيت مش بحب اكلم حد خالص وده لانى انا بفتكر ايام زمان مع اصحابى الحلوه والوحشه وبتمنى انى اعيش الايام دى مره تانيه ولكن معاهم هما بس مش مع غيرهم

ولما انا مش بكلم اصحابى دول فى التيلفون بيزعلو منى اوى وانا اصلا مش بحب اكلمهم علشان بعد ما بكلمهم بدايق لانى مش بشوفهم

ولما بكلمهم فى التيلفون بكون عايز اكلمهم على طول وبكون مش عايز اسيبهم خالص وحتى لما اقفل معاهم اكون عايز اكلمهم تانى وتالت انا عايز اعرف ازاى اتخلص من الحاله النفسيه الى انا فيها ولكن مع عدم نسيان اصدقائى دول عايز شى ايه هو انا عايز ده الى انا عايز اعرفه منكم اوكيه يا جماعه انا مستنى ردودكم0000000000000

_._._._._._._._._._._._._._._.

ياريت القلب شفاف والى جواه ينشاف وقتها تعرف ازاى بحبك وعليك بخاف

يا استاذ يحيى دى مش مشكله ولا حاجه هى كده الحياه النهارده مع ناس بكره هتبقى مع ناس تانى والحياه بتمشى فالانسان مننا لازم يتأقلم مع ظروف حياته الجديده مهما كانت يعنى ممكن واحد كان غنى وحصلت ظروف خلته فقير يموت لأ يحاول يتأقلم مع ظروف البيئه المحيطه به.
وبالنسبه ليك انت حاول تتغلب على خجلك ده بالتعرف على الناس اللى فى بيئتك الجديده بطبيعتك انت ومتحاولش تقلدهم واعرف حاجه لو قلدهم هتلاقيهم اما بيتريقوا عليك او انهم بعدوا عنك علشان انت بقيت بالنسباللهم شئ عادى بيتعملوا معاه كل يوم وشايفينوه فى شباب كتير عندهم .
لكن انت لو على طبيعتك معاهم هتلاقيهم بيتقربوا منك علشان انت بالنسبه لهم شخصيه جديده بطباع جديده عايزين يتعلموا منها او يعلموها .

وبعدين ايه الرابط اللى هتلاقيه فى اى مكان هتروح فيه

الجامع .

هتلاقى نفسك هناك الناس اللى بتصلى هتلاقيها شبه بعضها فى اى مكان وبعدين انت معاك ربنا مش محتاج حد .

كلامك مقنع وانا اتعاملت مع الناس واتعاملت بشخصيتى انا ولكن انا الى مدايقنى هو اشتياقى لاصحابى القدام لانهم احب ليا من اصحابى الجداد لان الحياه فى القاهره حياه المصالح وبس صعب تلاقى حد بيصاحب حد لشخصه ولكن اغلبهم بيصاحب الناس علشان المصلحه مش اكتر وانا بالنسبه ليا فى الكليه بتاعتى قليل من الناس الى انا اعرفها الى مصاحبانى وعارفه انى مش بكذب عليا فى حاجه وفى ناس كتيره اوى حاسه انى انا انسان خبيث ولكن والله انا مش كده وده كله علشان انا بنجح بتفوق وهما بيقولو لبعضيهم ده ولد خبيث بيذاكر ومش بيقول ولكن انا والله العظيم مش بذاكر ولكن انا كده من غير ما بذاكر بجيب تقدير وعلشان كده اغلب الى فى كليتى مش حاسين انى على طبيعتى ولكن انا والله معاهم على طبيعنى خالص اصحابى بقى الى عارفين انى صادق معاهم هما الى قالو ليا انهم بيقولو عليك كده واحنا بنقول ليهم العكس ولكن هما مش مسدقين وده خلانى اكرهم لانهم مش زى اصحابى الى فى المعهد ولا اصحابى الى فى البلد وكده ومتشكر على ردك يا سندباد

بص بما انى من القاهرة واتولدت هنا وعايشه هنا فانا فعلا معاك فى حكايه سياده المصالح على العلاقات بين الاصحاب والقرايب وحتى الاخوات وكمان حكايه الحقد على الناجح وخصوصا المتفوق وده اكيد موجود فيهم
بس كل حته فيها الحلو والوحش كل مكان فى ناس بيتفقو معاك وناس تانيه لا . حاول تبص لنص الكبايه المليان انك على الاقل عندك صحاب بيحبوك وبتحبهم حتى لو كنت بعيد عنهم حاول تفكر باسلوب تانى انك كان ممكن قوى تحصل حاجه تبعدك عن صحابك وانت موجود فى البلد من غير ما تمشى منها والبعد كمان بيزود الحب والصداقه والاشتياق للاصحاب بس متعش فى مود انك مش لاقى اصحاب هنا واصحابك وحشينك وفكر فى انك بتبنى مستقبلك اللى هيفيدك وهيفيد اصحابك وفكر كمان فى انك مسيرك يوم ترجعلهم تانى
واحمد ربنا انك عندك اصحاب بجد وفكر انك احسن من ناس كتير بتعيش طول عمرها من غير متلاقى اصحاب بجد
معلش رغايه استحملنى

كلامك غايه فى الجمال يا رنا وبجد انا ليا اصحاب كويسين فى القاهره ولكن اغلبهم وحشين بتوع مصالح ولكن انا الى مخلينى فرحان انو كل ما ببعد عن اصحابى حبى ليهم بيزيد وبعرف قيمتهم كمان وياريت هما كمان يعرفو قمتى شكرا ليكى رنا

حاول تختار منهم الكويس وحاول تبقى كويس معاه وحاول بما انك في جامعة انك تتصاحب على ناس من بلدك او ناس كويسة وهتلاقيهم وانا كنت زيك في جامعة اسيوط وملقتش غير اتنين اصحابي طلعت بيهم من الكلية وان شاء الله ربنا هيوفقك وتلاقي اصحاب محترمين يحبوك بجد

انا اعرف ناس كتير بس منافقين وانا الحمد لله لقيت نا بس عايز ازود عليهم

انا بصراحة بردو معاك فى الموضوع دة
مع انى فى اولى ثانوى فى الاجازة لما بسافرالبلد بشتاق لأصحابى جامد اوى
لدرجة ان الاجازة اللى فاتت قعدت 10أيام فى بلدى ورجعت تانى أسوان
أنا بقولك
معلش اتحمل وحاول بقدر الامكان انك تكون صداقات جديدة وان شاء الله
هتلاقى اللى يسمعلك ويصاحبك

انا دلوقتى معايا اصاحب كتير وطبعا مش كلهم الى بيحبونى والى بحبهم ولكن القليل الى القلوب متفقه مع بعض ولكن لما بروح البلد طبعا بفرح اوى لانى انا شوفت اصحابى وفى نفس الوقت بكون مدايق لانى مش معايا اصحابى الى فى القاهره ولكن هى دى الظروف انا اعمل ايه لازم اتعايش زى ما قالو ليا زكير ورنا ag21 وشكرا ليك وياريت تستفاد من كلامهم لان كلامهم حلو اوى

انشاء الله هستفاد بكلامهم
وانت ياملك الاحساس
مش هقدر اقولك حاجة غير
(((((((((( ربنا معاك ))))))))))

شكرا ليك يا بات مان

معلش يا ملك ردي جة متاخر اوي
بس الواحد لازم يتاقلم مع الوضع الجديد وبعدين دة مستقبلك
وان شاء الله يتقدر تتفاعل مع اصحابك الجدد
السلام عليكم

شكرا ساره ولكن ليا عتب لانك اتاخرتى كتير فى الرد على الموضوع ولكن انا مش زعلان

انا قولت معلش خلي قلبك ابيض

خلاص ماشى حخليه ابيض يا ساره علشان ما يبقاش بره وجوه اسود ههههههههههههههههههههه

مشكلاتى كثيره اوى ومحتار اعمل ايه فيها احتاج رايكم فى حلها معى Athkar-9

مشكلاتى كثيره اوى ومحتار اعمل ايه فيها احتاج رايكم فى حلها معى 987mq9

مشكلاتى كثيره اوى ومحتار اعمل ايه فيها احتاج رايكم فى حلها معى Tfa2l

مشكلاتى كثيره اوى ومحتار اعمل ايه فيها احتاج رايكم فى حلها معى 1163783164re0

الله يكون بعونك بس لازم تتعود علي حياتك الجديده
ومن يزعل علشان انت ماتتصلش قوله اتصل انت
والله يكون بالعون

الله يكون بعونك بس لازم تتعود علي حياتك الجديده
ومن يزعل علشان انت ماتتصلش قوله اتصل انت
والله يكون بالعون