ازاي تتعب اختك

السلام عليكم ورحمة الله وبركاتة

انا بس جاية النهاردة اقدم للولاد اللى بصراحة فعلا صعبانين عليا من اللى اخواتهم البنات بيعملوه فيهم ..... اكيد طبعا مطلعين عينيهم ...... ومورينهم الويل يعينى .....

مش محتاجين تقولولى انا عارفة هم بيعملوا فيكوا ايه .... والموضوع ده عشان خاطركوا .... يلا هتتعبوا اخواتكوا البنات مرة من نفسكوا ..................

شوفوا بقى دى قواعد تنفع مع اى بنت كبيرة ولا صغيرة

اول حاجة تدايق البنت انها متلاقيش المشط او الفرشة بتاعة شعرها ...... وده موضوع سهل ...... اخفى كل الفرش والامشاط اللى فى البيت و بتاعتك كمان عشان احنا مبنغلبش ..... واقولك كمان ياريت تخفى الشوك اللى فى المطبخ بالمرة ...... اصلنا عفاريت واللى عايزين نعمله بنعمله ............

وده طبعا لوحده هيخلى اختك تشد فى شعرها ودا هيدايقها اكتر ... وتبقى الخطوة الاولى نجحت
بس يا فالح متقولهاش انك اللى مخبيها عشان متعوضكش وتاخدهم منك ..... وابقى حاول تمثل انك مضايق عشانها وحاول تضور معاها ... وواسيها شوية ... وبعدين انقل عالخطوة التانية ........

اللى هى ************************************************** ************************************************** **************************************************

اكتر حاجة ممكن تضايق البنت تانى ان حد يعلق على لبسها ........ وطبعا انتوا خبراء فى التريقة وحرق الدم ...... بس ده مش قصدى انك تتريق عشان لو اتريقت هتاخد بالدزمة فوق دماغك ........ انا هقولك تعمل ايه .......

مثلا اختك بعد ماضايقت بموضوع شعرها ...... هتحاول تخرج من مود الزهق دا واول حاجة هتفكر تعملها انها تخرج مع صاحبتها ..... فلما تكون خلاص لبست وخارجوة من غرفتها ..... سعادتك تكون مستنيها والحوار هيدور كالتاتى:

ايه دا ؟؟؟؟؟؟ ايه الوان الطيف السبعة اللى انتى خارجة بيها دى ؟؟
ايه يابنى فين الالوان دى ؟؟؟؟ ده بنى فى بيج ........
لا لا لا لا على فكرة البمبى اللى انتى لابساه ده مش لايق على الروز خااااااااااااااااالص ......
ايه دا يعنى لبسى وحش؟؟؟؟؟؟
اه يلا اجرى غيريه يلا ....

وخدها منى كفاية لحد كده عشان متتأذيش .... ولما تخرج المرة التانية متعلقش واكتفى بنظرة بسيطة و تقولها ... على الققل دا احسن ... كويس

نيجى لما تيجى تلبس الجزمة .......... انت بشطارتك تقولها:
هنعك اهو ايه اللى انتى هتعمليه دا بقى ؟؟؟
ايه هلبس الجزمة
مش لايقة على اللبس خالص
ازاى يعنى دى جزمة سودة تليق على كوله
لا لا لا سدقينى شكلك هيبقى مبهدل .....

وكفاية لحد كده عشان متحدفكش باللى فى ايديها ...... ومعلش لو هى بينت انها مش هاممها بس هتكون عملت تقدم وسدقنى اول حاجة هتقولها لصاحبتها اول متقابلها .... هو انا لبسى حلو ؟؟؟ يعنى لايق على بعضه ؟؟؟؟؟؟

الخطوة اللى جاية هى انك تتطلع عينها فى الاكل .....ازاى؟؟؟؟

تكون مثلا اختك هى اللى عليها تتطبخ النهاردة ولا حاجة عشان الست الوالدة مسافرة ... طبعا هى هتعمل الاكل اللى على مزاجها من غير متسالك انت عايز تاكل ايه .. فمتستناش لما تيجى تسالك روح وقولها :انا عايز اكل بامية ورز النهاردة ....
هى هتقولك : مش هعمل بامية احنا هناكل مكرونة
ايه؟؟؟ مكرونه ؟؟؟ انا مبحبش المكرونة .....مليش داعوة انا عاوز بامية ...........اعمليلى بامية

وافضل زن عليها شوية بس حاول متعملش مشاكل معاها .....وفى الاخر هتعملك البامية اللى انت عايزها

شوية وادخل عليها وقولها : هاااااااا ايه اخبار المكرونة ؟؟؟؟ هتخلصيها امتى؟؟؟
طبعا الرد الطبيعى هيكون : مكرونة ايه ؟؟؟ انت مش كنت عاوز بامية ؟؟؟
ايه ؟؟؟ بامية ؟؟؟؟؟ وانا من امتى بحب البامية؟؟....... انا عايز مكرونة ......
مفيش مكرونة ومتغلبنيش بامية يعنى بامية
يوووه خلاص هنزل اكل براااا هاتى خمسين جنيه
نعم يا خويا ؟؟ مفيش اكل برا ومفيش فلوس
مليش داعوة مش هاكل بامية انا هاروح اتغدى مع الواد صاحبى

وياريت بدل البامية اختار اكلة هى مبتحبهاش عشان بعد اما تعملها هتضطر تاكلها عشان متبوظش

كفاية عليكوا كدا النهاردة

بس انا عيزة اقول حاجة ... انا مش قصدى حاجة من الموضوع ... ومش عايزة الكتاكيت البناتيت يزعلوا منى انا بس حبيت احط موضوع دمه خفيف ..... وان شاء الله ترقبوا موضوع ازاى تتعب اخوك
عشان محدس يزعل

ودمتم سالمين

لالالالالالالالالالا
لو علي التعب
متوصاش

بس انا بقي ليا طرقي الخاصة في الحوار دا

بصراحة كتر خيرها معايا

كده هزعل منك انتى بتوصيهم دول اصلا بيتفننوا ازلى يحرقو دمنا ومهما تقولى احنا مش هنعرف نعمل نص اللى بيعملوه فينا.
زعلتينى كده تشمتيهم فينا ماشى ماشى.
ام شاء الله اخوكى يعمل فيكى اكتر من كده وابقى استحملى بقى

اخوميا اصلا اساسا عامل فيا اكتر من كده بس بعزبه لما اعوز و حياة ربنا ما تزعلي مني دانا حجيبلك موضوع نقطعهم بيه و عموما الاولويه لينا دايما مهما عملوا وهما كللللهم في ايدينا

لا يا قمر انا مش زعلانه
يلا ورينا همتك وهتيلنا موضوع عنهم احلى من الموضوع ده

ايه الموضوع الجميل ده
انا ما اعرفش انو موضوع المشط ده بيدايقهم بس انا بصراحه بعمل حاجات اشد علشان اشوفهم وهما مدايقين ولكن فى نفس الوقت بردو بعمل حاجات تخليهم فرحانين علشان فى الاول والاخر دول اخواتى
وشكر على موضوعك