الكرسي بيرحب بالمشرفة (asar ) ويتمنى لها جلسة مريحة وطويلة

بسم الله الرحمن الرحيم
امنياتي كتير في منها اللي اتحقق ومنها اللي لسه واللي لسه محققتوش اني انجح في شغلي واكون مترجمه ناجحه والناس تطلبني باسمي


اكتر شيء ندمت عليه هي خطوبتي الأولى

كلمه شكر خارج المنتدى اوجها لأمي عشان هي أغلى حد في حياتي وداخل المنتدى لag21عشانهو اللي عرفني على المنتدى وبيساعدني كتير الكترونيا



ليا لازمه في الكلام بس مش باينه اوي كتير بقول كلمه (فاهمه, فاهم ,فهماني) بس يعني مش ملحوظه للدرجه ومحدش بيعلق عليها ولو حد علق مش هزعل لأنه هيكون هزار وانا شخصيا مش بعلق قوي على حد


ذكرياتي ابتديت احسبها من يوم ما اتخطبت وانا بعتبر نفسي حبيت بجد مره واحده وهو خطيبي دلوقتي لأن خطيبي الأولاني كدب عليا وخلاني احب شخصيه غير حقيقته وطبعا الشخصيه اللي حبيتها دي ملهاش وجود اذا مكانش حب اساسا


الدمزع في الحب لو كانت خوف على الحبيب او من الحب الشديد تبقى قوه في الحب اما لو كانت خوف من الحب نفسه تكون ضعف


اكتر فيلم عربي عجبني النهر الخالد اكتر اغنيه اغنيه بعشق الغنا لآمال ماهر

حضرتك يا ملك الإحساس شخصيه جميله جدا جدا ومن الشخصيات اللي بحب اتعامل معاهم عشان بحس ان انت طيب اوي اوي ودمك خفيف وبتحب اصحابك وكل اللي يتعامل معاك اكيد هيحس بده ولما قولت انك زي اخويا الصغير ده معناه اني حاسه انك شخصيه بسيطه مش مكلكعه يعني وكفايه مدح فيك بقى احسن تتغر علينا وعلى فكره انا رجليا نملت من القعده على الكرسي

ياعنى قصدك ايه تعبتى من الاجابه ولا ايه رجليكى نملت ياعنى ههههههههههههههههههههههه

سلام عليكم ورحمة الله وبركاته






خلاص يا اثار بكرة هتقومي من على الكرسي تحبي مين يقعد مكانك ؟؟؟؟

وبجد شرفتي ونورتي كرسي الاعتراف

ياعم خليها تجاوب فى الاول ما ليناش دعوه لازم تجاوب فى الاول

بسم الله الرحمن الرحيم
انا آسفه جدا اني هجاوب بعد ما قمت من على الكرسي بس عشان اللي سألوني ميزعلوش مني
بالنسبه لأسئله كابتن زكير
1- هختار اني أعيش فلأسكندريه عشان هي بلد جميله جدااااااااا
2-وانا في ثانوي كان حلمي أدخل الألسن وفعلا جبت مجموعها وجبت 96%ادبي بس لو كنت دخلتها مكنتش هبقى قسم انجليزي عشان كده اختارت الآداب
3- مينفعش احب من غير ما أتحب لآزم يكون في حب متبادل وكمان بكره اني أتحب من غير ما أحب لأني بتخنق وبحس ان الشخص ده مفروض عليا
4-كتير اوي ثقتي فيهم لا متناهيه طبعا اهلي واخواتي وخطيبي ومعظم صحباتي
5-حصلتلي مره صدمه جامده بسببها تعبت وكنت هدخل المستشفى بس ربنا ستران ناس وصلولي ان خطيبي الأولاني انتحر بس جت سليمه والحمد لله
6- بالنسبه للعيوب فابلنسبه ليك انت بالذات يا زكير انك مش بتدخل كتيروباقي المنتدى زي الفل والحمد لله بس انت شد حيلك معانا شويه
7-يااااااااا دا انا هغير الدنيا كلها اول حاجه هرجع عهد الخلافه الإسلاميه والمسلمين يكونوا هما ساده العالم زي عهد النبي (ص)وبالنسبه للمنتدى هديله صلاحيات تخليه احسن من الفيس توك اصدي بوك
8-انا الحمد لله راضيه عن نفسي جدا جدا جدا
9-ليه امنيه واحده بس سيبني اتمنى براحتي بس عموما هتمنى اني أكون غنيه عشان اقدر انفذ المشاريع اللي فدماغي



وبالنسبه لسؤال ميث
انا ان شاء الله بعد التخرج ناويه اقدم تمهيدي مجستير في الترجمة ويا ريت تدعولي بجد في الموضوع ده لأنو حلم حياتي ويارب يتحقق
بالنسبه لعلاقتي بالناس فهي الحمد لله فوق الممتازه حتى مع اللي بتعامل معاهم لأول مره بيقولولي اني عندي كاريزما عاليه

وشكرا لكل المنتدى على الأسئله دي وبعتذر مره كمان خصوصا لملك الإحساس اني جاوبت دلوقتي بس عشان والله جهازي كان بايظ ومعرفتش ادخل