الكرسي هينطق من الفرحة عشان العضوة المهم نورتة وشرفتة(STORM)

بسم الله الرحمن الرحيم

الكرسي هينطق من الفرحة عارفين ليه يا جماعة
لان العضوة المهمة (storm)
نورت وشرفت الكرسي

ويلا بقى الكل يشوف شغله
هبتدي الاول

ايه رايك يا استورم في المنتدى

وهل هو مميز عن اي منتدى تاني ؟؟؟؟
ولنا بقية

ميرسي اوي علي التقديمه الحلوة اوي

والله انا سعيده اوي في المنتدي الجميل بجد كفايه الاعضاء ومعاملتهم الطيبه جدااااااااااااا

طبعا مميز كفايه اني عرفت اخوه واخوات من المنتدي اكيد مميز بالنسبالي

ازيك يا ستورم اخبارك ايه

ايه الكرسى مريح ولا نغيره ونجبلك كنبه

المهم بقى كام سؤال على السريع

1_مين اول شخص بتفكرى فيه لما تقعى فى مشكله

2_الحياه ماشيه زى ما انتى كنتى بتتمنى ولا

3_ايه اكبر امنيه ليكى فى الحياه

4_مين الشخص اللى مش متصوره المنتدى ده بدونه

5_ايه الحاجات اللى مش عجباكى فى المنطقه اللى انتى ساكنه فيها وتقترحى ايه علشان تبقى مثاليه من وجهه نظرك

6_عايزك تقولى رأيك فى كل عضو فى منتدانا بصراحه
اللى هما
مايث
أثار
ساره
age21
باتمان
مصطفى الجمل
ملك الاحساس
زكير

يلا بقى كفايه عليكى دول بس هاجيلك زياره تانى تبقى تستنينى

تمام الحمدلله انا بخير

شكرا يا زكير علي اسئلتلك

وعلي فكرة الكرسي مريح بس مش كنت تجيب اكبر منه شويه علشان الواحد لو تعب يريح كده

بسم الله الرحمن الرحيم

1-

والله اول شخص بفكر فيه لما اقع في مشكله هي اختي بصراحه وبعد كده بقي امي

2-
بصراحه الحياه بتتغير كل سنه وغير مكنت متوقعه خالص بس الواحد في الاول وفي الاخر بيتعلم من الحياه

3-
اكبر امنيه في حياتي ان الناس كلها او معظمها حتي تتصافي وتلتزم بالضمير في كل حاجه ساعتها هتتغير حاجات كتير وبرضه من امنيتي اني اسعد والدي ووالدتي ويبقوا راضيين عني

4-
والله الكل ليه لمسه كده في المنتدي من غيره هيبقي المكان ده ملوش طعم واذا الواحد
دخل المنتدي فبيدخل الاول يدور علي الاعضاء قبل المواضيع

5-
المنطقه اللي ساكنه فيها هاديه جدا وانا بحب الهدوء بس المشكله بقي انه من كتر الهدوء 5-اصبح هدوء قاتل يعني تيجي في أي وقت متلاقيش حد خالص في الطريق فتمشي مرعوب وممكن يتقتل القتيل ومحدش يحس بيه وكمان المنطقه نفسها مفيهاش مواصلات وياسلام لو انت تعبان بقي ومش قادر ياما الواحد يجيب معاه عجله ياما حمار يا اما بقي يبنيله عشه او خيمه جمب المواصلات ينزل من هنا يريح هنا . .

6-

مايث
مش عارفاه بصراحه وعمري مكلمته بس انا في اعتقادي انه شخصيه جاده جدا

أثار

برضه مش عارفاها بس بحسها مرحه يعني و طيبه

ساره

دي حبيبتي بجد بحبها اوي وبحب اهزر معاها طيبه وكويسه بصراحه

age21

مش عارفاه برضه بس باين عليه لذيذ جدا يعني بيهزر وكده وباين عليه برضه طيب وبيحب المنتدي وزوق بصراحه

باتمان

شخصيه طيبه جدا ومحترم ومؤدب جدا

مصطفى الجمل

مش عارفاه بصراحه بس اكيد شخصيه كويسه هو فيه حد يدخل المنتدي من غير ميكون كويس

ملك الاحساس

مش عارفاه اوي بصراحه بس هو شخصيه كويسه وطيب بس بحس انه بيزعل بسرعه في اعتقادي يعني يمكن اكون غلطانه

زكير

زكير شخصيه مرحه جدااااااااااااااااااااااا طيب ومحترم وزوق بصراحه

يارب اكون وفيت بالغرض وميرسي تاني مرة علي الاسئله

بسم الله الرحمن الرحيم
ازيك ياستورم عامله ايه يا قمر
بصي يا ستي انا لاحظت ان في ناس كتير في المنتدى انت متعرفيهمش وكمان بصراحه انا واحده من الناس معرفكيش شخصيا فانا بقترح انك تعرفينا بنفسك اكتر يعني اسمك بتدرسي ايه انت منين يعني واللي يجي فبالك قوليه ماشي يا سكر واحنا كمان لما تيجي فرصه هنعرفك بنفسنا وانا شخصيا نفسي اعرفك جدا ونبقى اصحاب
يلا سلام مؤقت يا جميل

اهلا بيكي اثار وميرسي اوي علي اسئلتك ومرورك الكريم

بسم الله الرحمن الرحيم

انا يا سيدتي الجميله ستورم (العاصفه )

عندي 19 سنه وفي سنه تالته اداب انجليزي

وانا من اسوان وعائلتي الكريمه كلها من اسوان محدش خرج بره

بحب العزف علي البيانو او الاكورديون جدا

بحب الهدوء

كان نفسي ادخل هندسه لما كنت في الثانوي بس مش كل حاجه بيتمناها الانسان بتحصل وبصراحه ربنا اختارلي الخير انا بحب الانجليزي اوي وبستمتع بدراسته

بحب الشيخ احمد بن علي العجمي في قراته للقران

واخترت اسم ستورم لان الاستورم ليها زكري وبتسيب اثر في كل مكان تروح فيه فبتمني اني ابقي زيها اسيب اثر بس اثر كويس يعني او خير في قلوب الناس

واخيرا انا الشرف ليا اننا نكون اصدقاء

هلا وغلا بالعضوه الجميله storm
برحب بيكي علي الكرسي
وشكرا بانك عرفتينا بنفسك
بس سؤال بسيط
ايه الحاجه اللي ممكن تخليكي تقفلي باب الاوضه عليكي ومتكلميش حد خالص

دي صدفه حلوه اوي يا ستورم انك في آداب انجليزي لأني انا كمان فنفس الكليه بس انا فسنه رابعه
والصدفه التانيه اني انا كمان بحب العزف على البيانو والأورج والأكورديون والجيتار وكنت العازفه الأولى في كورال الإداره فثانوي بس ايام وراحت لحالها خلاص عشان اعتزلت الفن
وسؤالي ليك بما انك في آداب انجليزي ايه اكتر ماده بتحبيها وايه اكتر كاتب او شاعر او ناقد بتحبي تقريله

اولا احلى تحيه لاسير
ثانيا ايه اجمل و اوحش لحظه مرة عليكي؟
ايه المواقف الي ما تحبيش تكوني فيها ؟
والمواقف التحبي تكوتي فيها؟
ومن تحبي يكون بجوارك وقت الفرح والحزن؟
ثالثاً احب اشكرك على حضورك معنا في المنتدي

THE MYTH كتب:

اهلا بيك وميرسي اوي علي مرورك الكريم

اما الحاجه اللي ممكن تخليني اقفل باب الاوضه عليا ومكلمش حد لما اكون اتجرحت اوي اوي اوي او اكون جرحت حد اوي او

ظلمته بفتكر الموقف كتير اوي اللي ظلمته فيه او جرحته ومش بنساه بسهوله ومبستناش بعتزر علي طول

وميرسي جداااااااااااااااااااااااا علي سؤالك البسيط

asar كتب:

دي صدفه حلوه اوي يا ستورم انك في آداب انجليزي لأني انا كمان فنفس الكليه بس انا فسنه رابعه
والصدفه التانيه اني انا كمان بحب العزف على البيانو والأورج والأكورديون والجيتار وكنت العازفه الأولى في كورال الإداره فثانوي بس ايام وراحت لحالها خلاص عشان اعتزلت الفن
وسؤالي ليك بما انك في آداب انجليزي ايه اكتر ماده بتحبيها وايه اكتر كاتب او شاعر او ناقد بتحبي تقريله

ديه صدف حلوة اوي يا اثار بجد وانا برضه اعتزلت الفن مع انه واحشني اوي العزف علي الاكورديون

اكتر ماده بحبها هي الدراما والترجمه بحبها برضه وبحب جدااااااااااااااااا شكسيبر بحب رواياته جداااااااااااااا

وميرسي تاني علي مرورك بجد بيسعدني جدااااااااااااااااا

boode كتب:

اولا احلى تحيه لاسير
ثانيا ايه اجمل و اوحش لحظه مرة عليكي؟
ايه المواقف الي ما تحبيش تكوني فيها ؟
والمواقف التحبي تكوتي فيها؟
ومن تحبي يكون بجوارك وقت الفرح والحزن؟
ثالثاً احب اشكرك على حضورك معنا في المنتدي

اهلا بيك شرفت الموضوع
1-

اجمل لحظه مرت عليا يوم ما دخلت اداب انجليزي وكنت بقي متشجعه اوي

2-

واوحش لحظه لما توفي ناس قريبين مني اوي وواحده زميلتي

3-
اما
الموقف اللي محبش اكون فيه موقف الجبن وبحب اكون في موقف الجدعنه

4-

بحب يكون جمبي اصحابي في وقت الفرح والحزن بصراحه بيساندوني اوي وبتشجع بيهم

انا الاسعد اني في المنتدي بجد منتدي رائع والاروع اعضائه

سلام عليكم ورحمة الله
منورة الكرسي اختي استورم
وياريت متكونيش مدايقة من الكرسي
سؤال بسيط كدة
ايه رايك في اعضاء المنتدى
ميث
زكيير
بات مان
سارة
ag21
اثار
وباقي الاعضاء ؟؟؟؟؟؟؟؟؟؟؟؟؟؟؟؟؟

ag21 كتب:

سلام عليكم ورحمة الله
منورة الكرسي اختي استورم
وياريت متكونيش مدايقة من الكرسي
سؤال بسيط كدة
ايه رايك في اعضاء المنتدى
ميث
زكيير
بات مان
سارة
ag21
اثار
وباقي الاعضاء ؟؟؟؟؟؟؟؟؟؟؟؟؟؟؟؟؟

وعليكم السلام ورحمه الله وبركاته

مشكورة جدااااااااااااااااااااا علي مرورك واهلا بيك

الكرسي حلو اوي ومرتاح فيه جدااااااااااااااا

ميث

انا بجد مش عارفاه شخصيا ولا اتكلمت معاه قبل كده فبصراحه مش عارفه اقول رايي فيه بصراحه غير انه شخصيه جاده ويصلح انه يكون مدير ده احساسي

زكير

رايي فيه انه انسان كويس ومحترم وزوق ومرح جدااااااااااااااا ويصلح بصراحه انه يكون مدير

بات مان

زوق اوي بصراحه وطيب كويس

سارة

دي اختي طيبه ودمها خفيف

ag21

صراحه زوق اوي وبرضه يصلح يبقي مدير

أثار

انها كويسه ودمها خفيف وحاسه انها اختي بجد

باقي الاعضاء كويسين اوي بصراحه ومحترمين جدا

ميرسي اوي علي الاسئله وميرسي اكتر لتواجدك

السلام عليكم انا جيت متاخر ولكن لحقت الحمد لله
عامله ايه يا استورم
وقعتى ولا حد سمى عليكى
المهم
ما هو الحب بالنسبه ليكى ؟يعنى هل تعتقدين بحاجه اسمها الحب ؟

طيب ما هو الموقف الى تحسى بيه اتو انتى مش قدره تتمالكى اعصابك فيه ؟

كم مره صدمتى فى صديقه عزيزه عليكى ؟

وازاى اتخلصتى من الصدمه دى ؟

ولنا بقيه

شكل الكرسي عجبك يا استورم
مش ناوية تقومي ولا ايه
عشان هتقومي قريب خالص
تحبي مين من الاعضاء يقعد مكانك
وشكرا ،،،،

ملك الاحساس كتب:

وعليكم السلام ورحمه الله وبركاته

معلش انا مدخلتش المنتدي بقالي كام يوم بجد ظروف
وانا سعيده اوي لمرورك يا ملك الاحساس

وانا الحمدلله تمام بخير

وشكلي فعلا وقعت ولاحدش سمي عليا

بسم الله
اولا الحب بالنسبالي جزء مهم جدا من حياتي لاني لو محبتش مش هقدر اعيش او اتأقلم مع الحياه
يعني اذا الحب( حياة)
ومفيش حد في الكون يقدر يعيش من غير حب سواء كان بقي الحب بانواعه حب الام والاب والصديق وهكذا.....
وبصراحه انا مش بعتقد وبس ان فيه حاجه اسمها حب ولكن انا متأكده اني في حب وان كل انسان جواه حب وجواه خير
يعني مفيش انسان جواه كره ..........لازم الحب لازم

اكتر موقف بيخليني لا اتمالك اعصابي ان حد يستهون بيا او يقلل من نفسي او يظلمني بتعصب اوي وبحاول اكتم غضبي لدرجه خياليه ساعات بتمالك اعصابي وساعات بقي مبقدرش خالص حسب الموقف نفسه

بصراحه اتصدمت في صديقه عزيزة عليا مرة او مرتين علشان كده انا مش بصادق بسهوله بصراحه يعني اللي اقول عليها صديقتي لما اثق فيها اوي اوي واحس فيها الصديقه الحقيقيه

اتخلصت منها اني مبصادقش حد بسهوله يعني معظم اللي اتعرف عليها بتبقي زميلتي وبعاملها كزملاء يعني مش اكتر بعد كده لو حسيت انها اكتر من زميلتي يعني صديقتي بصادقها

وبرضه لما اتصدمت من واحده صاحبتي حسيت ان الصداقه بينا قلت وخصوصا لما سالتها وكانت بترد بأستهوان يعني بترد وكأن الموضوع سهل وعادي واني مكبرة المسأله وبقيت اعرف انها ممكن في اي لحظه تصدمني تاني وتالت طالما عرفت مرة خلاص سهل بقي عليها الصدمات الباقيه فبقيت يعني اقلل من الصداقه واعتبرها زماله

هنتظر البقيه

ومشكورة جداااااااااااااا علي مرورك الكريم

عايزين نعرف انتى حتختارى مين فى الاكرسى بعد كده وايه السبب فى كده ؟

وهل انتى ليكى الصديقه الانتيم ؟

تعترفين بالصداقه بين الولد والبنت ؟كصداقه طاهره ونقيه وتكون صداقه لابعد الحدود
؟

ملك الاحساس كتب:

علي ما اعتقد ان الاستاذ

the myth

مجربش الكرسي قبل كده

اه ليا صديقه انتيم بصراحه اكتر من انتيم كمان وان شاء الله ميفرقش بينا غير الموت

بصراحه اه بعترف بالصداقه بين البنت والولد لانها لو وصلت لحد الصداقه الطاهرة والشريفه والاحترام المتبادل بتبقي اخوة

لان احنا عندنا هنا مبنقولش بقي صديقي بقول اخويه وهي كلمه افضل من صديقي

ايه المشكله لما البنت تكلم ولد تكون بتثق فيه يكون بيحترمها يكون التعامل بينهم كويس

تحكي معاه تقوله علي اللي مضايقها اوقات الواحد بيكون نفسه يكلم حد يحكيله علي مشاكله لازم يعني يدور علي نوعه سواء

بنت لازم تكلم بنت او ولد لازم يحكي لولد ايه المشكله لما البنت تحكي مع الولد او الولد يحكي مع البنت يخرجها من ضيقتها

تطلعه من همومه ومش شرط ان يكون بينهم حاجه يعني فيها ايه لو قلنا اخ بيتكلم مع اخته لازم يعني يكون اخوات اشقاء

مينفعش يعني يكونوا اخوات في الاسلام فالصداقه بين البنت والولد من رأئي انها معترف بيها كصداقه طاهرة ونقيه

والسلام عليكم ورحمه الله وبركاته

اشكرك على ردك ولكن فى حاجه مايث ما ينفعش فى الكرسى لان مايث مش بيدخل فى المنتدى كتير

ازيك استورم
معلش بقى مايث مش ينفع يقعد على الكرسي عشان مش بيدخل المنتدى كتير
وياريت تختاري اي حد تاني ومفيش اي مشكلة

معلش يا ستورم انا بجد مش هقدر لانك ويمكن لاحظتي اني مش بدخل كتير علي النت

اوك مفيش مشكله يبقي اجدد عضو في المنتدي هو اللي يقعد اختاروا معايا يا جماعه

بصراحه انا مش عارف انتى تخاترى مين ولكن لحد ما تختارى
ما هو الكرهه بالنسبه ليكى ؟

وما هو الحب ؟

وما هى الذكريات ؟

وما هو اكتر شى يدايقك ؟

ايه رايكم لو نحتار الباشمهندسه ريهام فيما بعد